Sofía espiñeira TRIO

Novo espectáculo

Música de autora que bebe da raíz. Nunha linguaxe poética e honesta, Sofía Espiñeira seduce nunha mestizaxe de terra e aire. Da canción de autora máis íntima e espida ata os territorios onde se xuntan as raíces e resoan as músicas do mundo.

Xunto a Ailén Kendelman nas percusións e coros e Judit Almeida no contrabaixo, Sofía Espiñeira Trío ofrece un directo con armonías corais, matices íntimos e rítmicas que percorren o mundo. A naturalidade dos instrumentos acústicos e a elegancia dunha proposta escénica coidada acollen ao ouvinte neste novo universo da artista: “Xeografías”. Unha viaxe sonora inmersiva, onde se suceden as historias, a conversa co público e a posta en escena dunha artista ecléctica.

ficha técnica

• Xénero: Música de Autora / músicas do mundo
• Elenco: Sofía Espiñeira (Guitarra e voz), Ailén Kendelman (percusións e coros) e Judit Almeida (contrabaixo)
• Duración do espectáculo: 70 minutos