unto vello

Un proxecto que nace das recollidas de música tradicional galega que fan os seus integrantes: Bieito Pereira e Xabi Gómez. A súa música está dedicada ao baile tradicional, conseguindo facer bailar ao público e tecendo comunidade en cada actuación.

O dúo presenta o seu debut discográfico, INMATERIAL, o vindeiro 22 de marzo na Sala Capitol de Santiago cun concerto que xa esgotou todas as entradas en menos dunha semana. Como adianto deste traballo, recentemente publicaron o sinxelo Seixedos, baseado en melodías recollidas no concello de Covelo.

No seu ano de traxectoria, o dúo recibiu nomeamentos a premios como os Youtubeiras 2025 e os Martín Códax na categoría de música tradicional e ofreceu máis de 25 concertos en lugares como a Sala Capitol ou o Ponte Farruca.

“Unto Vello débese a todas as cantareiras que nos deron os seus saberes, tanto vitais como musicais e que pretendemos respectar á hora de montar as nosas pezas. Sen elas isto non sería posible.”

Ficha técnica

• Xénero: Música tradicional
• Elenco: Bieito Pereira (voz e percusión) e Xabi Gómez (acordeón e voz)
• Duración do espectáculo: 70 minutos