CD MONDRA DE RONDA (Edición limitada)

Descripción

DE RONDA (Altafonte, 2025) é o segundo traballo discográfico do cantareiro e bailador. Un disco persoal e íntimo, á vez que irreverente e desenfadado; un traballo autoral, mais sempre en diálogo constante con elementos propios da tradición oral galega.

O novo álbum de Mondra trae un novo son, máis orgánico e fresco, da man de Hevi, responsable da produción (Laboratorio Soyuz). Atravesado pola sexualidade, o amor propio, a comunidade ou o valor da mocidade, DE RONDA aborda “a sedución, seducir ou ser seducido” a través de once cancións ou “estados do corpo” que se poden dar nunha noite de ronda, e que van desde o desexo ou o impulso sexual até a aceptación ou mesmo da ruptura.

Esta é unha edición especial do CD, que inclúe unhas calcomanías e pequenas fotografías que o acompañan.